Semeya: Teitu onde se ficieron los trabayos y Dani Rozada (propietariu de la casa) y Xuan Prado

El setiembre pasau tuve xunto con Ástur Paredes na “Escuela de Teitáu” en Somiedu, un perinteresante proyeutu qu’entamaren l’arquitectu

Macario Iglesias y José Álvarez, de la Taberna Narciso de Teberga.

Fízose nuna casa privada d’una braña, trabayando sobre una cabana de cubierta vexetal, onde se fixeron tolos llabores de caltenimientu d’una

construcción de piedra y cubierta de teitu. Los participantes, a comuña, encargáronse de tol procesu, dende la recoyida de material hasta la so

aplicación y puesta n’obra. Fixéronse trés talleres de cinco díes caún, dos nel mes d’agostu y el caberu del 22 al 27 de setiembre con estada nel 

propiu pueblu. En Beleño, dende l’entamu, siempres tuvimos munchu interés por tolos temes venceyaos cola cultura asturiana y n’especial

polosque tienen que ver cola arquitectura tradicional del país.

Norabona a los organizadores pol ésitu del proyeutu.